Rialacha an Chomórtais
- Ní mór do mhic léinn clárú don Chomórtas tríd an suíomh gréasáin seo. Ní mór duit ainm, ríomhphost teagmhála agus uimhir theileafóin na scoile a chur anseo. Caithfidh ‘Teagmhálaí Múinteora’ a dheimhniú go bhfuil tú i dteideal páirt a ghlacadh sa gComórtas. Ní mór gurb é seo do Phríomhoide Scoile, do Phríomhoide Ionaid, do Cheann Bliana nó múinteoir eile a thoilíos do rannpháirtíocht a dheimhniú agus sonraí teagmhála a sholáthar le gur féidir le hEagraithe an Chomórtais teagmháil bhreise a dhéanamh más gá (mar shampla, sa gcás go bhfuil duais le bronnadh ort).
- Tar éis duit clárú, gheobhaidh tú ríomhphost le d’Uimhir Aitheantais a úsáidfeas tú le d’aiste a ainmniú/a aithint nuair a bheas tú réidh lena huaslódáil.
-
Ní mór d’aiste a chomhlánú/chinntiú trí úsáid a bhaint as teimpléad Aiste an Oireachtais.
Is féidir leat an teimpléad a íoslódáil anseo.
Is gá duit d’Uimhir Aitheantais a chur isteach sa mbosca cuí ar an teimpléad. - Ní mór duit an comhad aiste a ath-ainmniú trí d’Uimhir Aitheantais a úsáid, e.g. D8A7.pdf.
- Ní mór d’aiste a chur isteach tríd an suíomh gréasáin seo ar an leathanach Uaslodáil Aiste anseo. Ní mór duit cóipeanna boga agus crua den aiste a sheoltar isteach a choinneáil duit fein. Ní mór duit-se iad seo a chur ar fáil sula bhféadfar tú a ainmniú mar Bhuaiteoir Comórtais nó Ardmholadh.
- Is é an spriocdháta le clárú don Chomórtas ná 12.00 (meán lae) Dé hÁoine 6ú Samhain 2026. Is é an spriocdháta le haistí a chur isteach ar an gComórtas ná 12.00 (meán lae) Dé hÁoine 20 Samhain 2026.
- Déanfar na hiontrálacha/aistí a chur i bhfoirm anaithnid sula ndéanfaidh an fhoireann measúnú orthu. Ní mór dóibh siúd a chuireas isteach ar an gComórtas a chinntiú nach bhfuil sonraí le fáil ina n-aiste a chinnteodh go héasca cé hiad féin.
-
Fógrófar an aiste bhuaiteach in earrach na bliana 2027.
Déanfar teagmháil leis na Buaiteoirí Náisiúnata, na Buaiteoirí Réigiúnacha agus na Buaiteoirí Ard-Mholta trid an ‘Teagmháil Muinteora’ i ngach uile chás. Ní dhéanfaidh na hEagraithe teagmháil le mic léinn nach buaiteoirí duaise iad. Déanfar gach uile iarracht, ámh, suíomh gréasáin an Chomórtais a uasghrádú go tráthúil le heolas faoi na buaiteoirí. - Tá sé de cheart ag Eagraithe an Chomórtais síneadh ama a chur leis na spriocdhátaí/na dátaí fógartha a bhaineas leis an gComórtas, líon nó cineál na nduaiseanna atá á mbronnadh a athrú agus daoine nua a chur leis an bpainéal moltóirí de réir mar is gá leis an gComórtas a rith go héifeachtach.
- Ní bheidh dul thar bhreith na moltóirí. Ní féidir aon chomhfhreagras a bheith ann i dtaobh measúnú aiste ar bith. Ní mór gach uile chomhfhreagras le hEagraithe an Chomórtais, seachas na haistí féin dhéanamh trí ríomhphost a sheoladh chuig eolas@oireachtasessay.ie.
- 1,000 focal an líon focal is mó a cheadaítear d’aiste. Má sháraíonn aiste an líon focal seo dí-cháileofar í.
- Dí-cháileofar aistí a bhfaightear bradaíl iontu.
- Ní mór gurb é an té a chuirfeas isteach an aiste údar aonair agus cumadóir na h-aiste. Dí-cháileofar don chomórtas aiste an té a measfar go ndeachaigh sé i muinín IS le haghaidh achoimrí a ghiniúint, dréachtaí a scríobh nó abairtí bunúsacha a ath-scríobh. Fostóidh Eagraithe an Chomórtais beirt seiceálaithe IS nó níos mó leis an meastúchán seo a dhéanamh agus ní bheidh dul thar chinneadh an Phainéil Bhreithiúnais seo.
- I dtaobh uimhir 13 thuas, iarrtar ar mhic léinn a dhearbhú gurb iad féin amháin údair agus cumadóirí a gcuid aistí.
- Ní mór do Bhuaiteoirí Náisiúnta agus Réigiúnacha taisteal go Teach Laighean, i mBaile Átha Cliath lena dtuismitheoirí / caomhnóirí le haghaidh Shearmanas Bronnta na mBuaiteoirí.
- Ní bheidh iontráil bailí mura mbíonn tuismitheoir / caomhnóir sásta foirm a shíniú a cheadós úsáid grianghraf, físeán agus ábhar bolscaireachta eile, agallaimh thaifeadta san áireamh, a bhfuil an mac léinn / buaiteoir duaise páirteach iontu, baineadh an t-agallamh le Comórtas Aiste an Oireachtais nó le tuairiseoireacht ar bith ar an gComórtas. Tá foirmeacha ceada ar fáil ar iarratas.
- Tá fáilte roimh mhic léinn atá sa tSraith Shinsearach agus a oiltear sa mbaile cur isteach ar Chomórtas Aiste an Oireachtais tríd an suíomh gréasáin seo. Caithfidh an Múinteoir Teagmhála a dhearbhú go bhfuil tú cáilithe le páirt a ghlacadh sa gComórtas, seoladh ríomhphoist a sholáthar agus toiliú le tegmháil i dtobh d’iarratais, má tá call leis (mar shampla, má táthar ag brath air duais a bhronnadh ort). Sa gcás seo, ní miste gur tuismitheoir / caomhnóir an ‘múinteoir teagmhála’. Nuair a bheas clárú dá dhéanamh agat, is ceart duit do sheoladh ríomhphoist féin a roghnú agus ’Scoil Bhaile’ a roghnú mar do scoil.
Ceisteanna Coitianta
Cathain gur féidir clárú?
Anois láithreach, nó am ar bith roimh 12.00 meán lae Dé hAoine an 6ú Samhain 2026.
Cathain a gheobhaidh tú d'uimhir aitheantais clárúcháin?
Laistigh de chúpla uair an chloig de chlárú beidh sé i do bhosca ríomhphoist.
Cad is cóir duit a dhéanamh mura bhfaigheann tú aitheantas clárúcháin?
Déan iarracht clárú arís. Má theipeann ar sin, déan teagmháil linn anseo: eolas@oireachtasessay.ie
Conas a chuireann tú d’aiste isteach ar an gComórtas?
Ní mór duit d’aiste a chur isteach/a sheoladh ag an rannán Uaslódáil Aiste den suíomh gréasáin seo roimh 12.00 meán lae de hÁoine, 20 Samhain 2026. Ní mór duit an Uimhir Aitheantais a sheoltar chugat tar éis duit clárú a úsáid mar ainm ar do chomhad aiste. Níor choir go mbeadh aon ábhar san aiste leat a chuirfeadh in iúl cé thú féin.
Cathain a fhógrófar na torthaí?
Fógrófar buaiteoirí Chomórtas Aiste an Oireachtais in earrach na bliana 2027.
Urraithe le bród ag
Agus le tacaíocht ó
